Nýtt Hugverkaráð Samtaka iðnaðarins skipað
Nýtt Hugverkaráð Samtaka iðnaðarins hefur verið skipað. Hugverkaráð SI hefur undanfarin ár verið vettvangur umræðu um stöðu hugverkaiðnaðar á Íslandi, greininga og margvíslegrar stefnumótunar.
Í nýju Hugverkaráði SI sem er skipað til ársins 2025 sitja Tryggvi Hjaltason Senior Strategist hjá CCP sem er formaður, Sigurður Hannesson framkvæmdastjóri SI, Gunnar Zoëga forstjóri OK, Íris E. Gísladóttir rekstrarstjóri Evolytes, Vigdís Tinna Sigurvaldadóttir lögfræðingur hjá Marel, Halldór Snær Kristjánsson framkvæmdastjóri Myrkur Games, Guðmundur Árnason fjármálastjóri Controlant, Klara Sveinsdóttir framkvæmdastjóri gæða- og skráningarmála hjá Kerecis, Bergþóra Halldórsdóttir Chief of Staff hjá Borealis Data Centers og Róbert Helgason framkvæmdastjóri KOT hugbúnaðarlausna og Autoledger.
Hugverkaiðnaður hefur fest sig í sessi sem fjórða stoð útflutnings Íslands. Innan hugverkaiðnaðar eru meðal annars fyrirtæki í tölvuleikjaiðnaði, líf- og heilbrigðistækni, menntatækni, upplýsingatækni og hátækniframleiðslu.
Fjölmörg viðfangsefni eru fram undan hjá nýju Hugverkaráði SI sem snúa meðal annars að frekari umbótum í starfsumhverfi fyrirtækja í hugverkaiðnaði og þeirri umgjörð sem nýsköpun er búin hér á landi.
Mynd/BIG
Á myndinni eru, talið frá vinstri, Guðmundur Árnason hjá Controlant, Nanna Elísa Jakobsdóttir hjá SI, Halldór Snær Kristjánsson hjá Myrkur Games, Gunnar Zoëga hjá OK, Tryggvi Hjaltason hjá CCP, Bergþóra Halldórsdóttir hjá Borealis Data Centers, Sigurður Hannesson hjá SI, Róbert Helgason hjá KOT/Autoledger og Klara Sveinsdóttir hjá Kerecis.
mbl.is, 3. október 2023.
Viðskiptablaðið, 3. október 2023.