Stjórnvöld brugðist skyldu sinni að hafa næga raforku í landinu
Rætt er við Sigurð Hannesson, framkvæmdastjóra SI, í hádegisfréttum Bylgjunnar um frumvarp um forgangsorku þar sem Orkustofnun verði falin heimild til að ákvarða skerðingu á raforku en hann vill að frumvarpið verði afturkallað og að heildsölumarkaði með raforku verði fremur komið á fót þannig að stórnotendur geti til dæmis selt umframorku aftur inn á kerfið.
Í fréttinni kemur fram að hann hafi enga trú á að heimildin verði tímabundin. „Það er einfaldlega vegna þess að það eru nokkur ár í það að ný raforka komi inn á kerfið og þangað til mun staðan bara versna. Eftirspurnin verður meiri og framboðið verður jafnmikið. Þetta er auðvitað afleiðing þess að stjórnvöld á Íslandi hafa brugðist þeirri skyldu sinni að sjá til þess að það væri næg raforka í landinu.“
Hér er hægt að hlusta á fréttina í heild sinni frá mínútu 5:06.
Bylgjan, 11. desember 2023.