Stýrihópur skipaður um endurskoðun á byggingarreglugerð
Félags- og húsnæðismálaráðherra hefur skipað stýrihóp um endurskoðun á byggingarreglugerð. Á vef Stjórnarráðsins kemur fram að hópnum sé ætlað að vinna tillögur um gagngerar breytingar á regluverkinu með áherslu á að einfalda umgjörð um byggingariðnað til að lækka byggingarkostnað og leggja grunn að stöðugleika á húsnæðismarkaði. Þá kemur fram að stýrihópnum sé einnig ætlað að fylgja tillögunum eftir og vinna að breyttu fyrirkomulagi byggingareftirlits til að auka neytendavernd og draga úr byggingargöllum.
Í stýrihópnum eru:
- Hreiðar Ingi Eðvarðsson, formaður, fulltrúi ráðherra,
- Hildur Dungal, fulltrúi félags- og húsnæðismálaráðuneytis,
- Helga María Pálsdóttir, fulltrúi Sambands íslenskra sveitarfélaga,
- Hermann Jónasson, fulltrúi Húsnæðis- og mannvirkjastofnunar,
- Sigurður Hannesson, fulltrúi Samtaka iðnaðarins.
Með hópnum starfar einnig starfsfólk Húsnæðis- og mannvirkjastofnunar.