80% bókatitla prentaðir erlendis
Fjöldi bókatitla sem prentaður er erlendis þetta árið er 519 eða 79,6% og 20,4% innanlands samkvæmt upplýsingum frá Bókasambandi Íslands sem hefur kannað prentstað íslenskra bóka sem getið er í Bókatíðindum Félags íslenskra bókaútgefenda 2020. Heildarfjöldi prentaðra bókatitla er 652 í Bókatíðindunum í ár en var 667 árið 2019.
Fjöldi titla sem prentaðir eru innanlands eru 133 og fækkar um 12 frá fyrra ári. Fjöldi bókatitla sem prentaður var erlendis í fyrra var 522 eða 78,3% og 21,7% prentað innanlands.
Fræðibækur, bækur almenns efnis og listir eru alls 140; 54 (39%) prentuð á Íslandi og 86 (61%) prentuð erlendis.
Skáldverk, íslensk og þýdd, eru 203; 52 (26%) prentuð á Íslandi og 151 (74%) prentuð erlendis.
Saga, ættfræði, ævisögur, handbækur, matur og drykkur eru alls 68; 7 (10%) prentuð á Íslandi og 61 (90%) prentuð erlendis.
Barnabækur, íslenskar og þýddar, eru alls 241; 20 (8%) prentuð á Íslandi og 221 (92%) prentuð erlendis.
Fjöldi bóka prentaður og hlutfall af heild:
| Fjöldi titla | % 2020 | %2019 | |
|---|---|---|---|
| Ísland | 133 | 20,4% | 21,7% |
| Evrópa | 441 | 67,6% | 70,2% |
| Asía | 78 | 12% | 0,7% |