Aðalfundur SI
Aðalfundur Samtaka iðnaðarins fór fram í Húsi atvinnulífsins að morgni 5. mars.
Árni Sigurjónsson, fráfarandi formaður SI, setti fundinn. Sigurður Hannesson, framkvæmdastjóri SI, kynnti skýrslu stjórnar fyrir liðið starfsár og lagði fram endurskoðaða ársreikninga samtakanna fyrir liðið almanaksár. Þá var borin upp tillaga stjórnar um fjárhagsáætlun fyrir næsta starfsár.
Á fundinum voru kynntar niðurstöður kosninga um formann og meðstjórnendur, jafnframt var kynnt kjör í fulltrúaráð Samtaka atvinnulífsins. Sigurður R. Ragnarsson, formaður kjörstjórnar, kynnti úrslit kosninganna.
Undir öðrum málum var ályktun Iðnþings samþykkt með framlögðum breytingartillögum. Að lokum þakkaði Sigurður Hannesson Árna Sigurjónssyni fyrir farsælt samstarf og nýkjörinn formaður, Þorsteinn Víglundsson, tók til máls og sleit fundi. Fundarstjóri var Hlynur Ólafsson, lögfræðingur Kerecis.
Hér er hægt að nálgast ársskýrslu SI.
Árni Sigurjónsson, fráfarandi formaður SI.
Þorsteinn Víglundsson, nýr formaður SI.
Sigurður Hannesson, framkvæmdastjóri SI.
Hlynur Ólafsson, lögfræðingur Kerecis og fundarstjóri.
Sigurður R. Ragnarsson, formaður kjörstjórnar.
