Alcoa Fjarðaál efnir til ráðstefnu um mannauðsstjórnun
Alcoa Fjarðaál fagnar tíu ára afmæli með því að bjóða til opinnar ráðstefnu um mannauðsstjórnun föstudaginn 15. september í Hótel Valaskjálf á Egilsstöðum. Ráðstefnan hefst með skráningu kl. 8.30 og lýkur kl. 16.00. Fjarðaál býður upp á kaffiveitingar, hádegisverð og léttar veitingar í ráðstefnulok. Ráðstefnan er öllum opin og aðgangur er ókeypis. Hér er hægt að skrá sig. Viðburðurinn er einnig á Facebook undir heitinu Mannauðsstjórnun okkar á milli.
Á ráðstefnunni eru fjölmörg erindi þar sem meðal annars verður fjallað um stefnumiðaða mannauðsstjórnun, árangurs- og frammistöðustjórnun, vinnustaðagreiningar, lykilþætti helgunar, árangursríka endurgjöf og styrkleikamiðaða nálgun, menntun og menningu, liðsvinnu, svefn og heilsu og sáttar- og atferlismeðferð. Á eftir hverju erindi gefst fundargestum færi á að spyrja fyrirlesara, ræða málin sín á milli og fá sér hressingu. Í lokin verða pallborðsumræður.