4. sep. 2025 Almennar fréttir Mannvirki

Bein útsending frá ráðstefnu um brunavarnir

Fjölmennt var á ráðstefnunni Brunavarnir og öryggi til framtíðar - samhæfð viðbrögð, lagaumgjörð og hlutverk stofnana og atvinnulífs sem fór fram 4. september á Grand Hótel Reykjavík. Á vef SFF er hægt að nálgast upptöku af ráðstefnunni.

Fimm ár eru liðin frá eldsvoðanum á Bræðraborgarstíg þar sem veikleikar í kerfum og regluverki komu skýrt í ljós. Í kjölfarið hófst víðtæk umbótavinna þar sem stofnanir og atvinnulíf tóku höndum saman með það markmið að efla öryggi og bæta eftirlit. Að ráðstefnunni standa Samtök fyrirtækja í fjármálaþjónustu, Húsnæðis- og mannvirkjastofnun, Slökkvilið höfuðborgarsvæðisins og Samtök iðnaðarins.

Farið verður yfir helstu lærdóma síðustu fimm ára, hvaða breytingar hafa orðið á regluverki, ábyrgðarskiptingu og framtíðaráskoranir í brunavörnum.

Meðal spurninga sem leitast verður við að svara á ráðstefnunni:

Hvernig stöndum við á Íslandi þegar kemur að brunvörnum?
Hvert er umfang bruna og brunatjóna á Íslandi?
Hvað eru tækifæri til að gera betur á þessu sviði hér á landi?

Fyrirlesarar á ráðstefnunni:

Inga Sæland, félags- og húsnæðismálaráðherra

Daði Már Kristófersson, fjármála- og efnahagsráðherra

Jón Viðar Matthíasson, slökkviliðsstjóri Slökkviliðs höfuðborgarsvæðisins og framkvæmdastjóri Almannavarnanefndar höfuðborgarsvæðisins - Hvað ef ég hefði…? - Samfélagsleg ábyrgð okkar allra
Regína Valdimarsdóttir, framkvæmdastjóri brunavarna- og markaðseftirlitssviðs HMS - Bræðraborgarstígur fimm árum síðar - frá harmleik til umbóta.
Birgir Viðarsson, framkvæmdastjóri sölu og ráðgjafar hjá Sjóvá.
Tryggvi Már Ingvarsson, framkvæmdastjóri fasteignasviðs HMS - Brunabótamat - öryggi almennings vegna fjárhagslegs tjóns af völdum bruna.
Guðni I. Pálsson, brunahönnuður hjá COWI, Brunahönnun bygginga - lærdómur, áskoranir og tækifæri