Fjarfundur um viðbragðsáætlanir aðildarfyrirtækja SI
Áhrifa COVID-19 á samfélagið gætir víða og þar á meðal á fyrirtæki sem eru misjafnlega í stakk búin til að takast á við að vernda starfsfólk og starfsemi þeirra. Starfsemi margra fyrirtækja er á þann hátt að ekki er hægt að bjóða starfsmönnum að vinna í fjarvinnu, t.d. í framleiðslufyrirtækjum, og hafa því mörg fyrirtæki innan Samtaka iðnaðarins komið sér upp viðbragðsáætlun til að draga úr líkum á að loka þurfi framleiðslu eða annarri starfsemi.
Samtök iðnaðarins í samstarfi við Mannauð, félag mannauðsfólks á Íslandi, efna til fjarfundar mánudaginn 16. mars nk. kl. 13.00-14.00 þar sem fjögur ólík fyrirtæki kynna viðbragðsáætlanir sínar eða ráðstafanir í beinu streymi á Facebook-síðu Samtaka iðnaðarins.
Fundurinn er ætlaður fyrirtækjum til upplýsinga og leiðbeininga um með hvaða hætti hægt er að vernda starfsfólk, framleiðslu og starfsemi almennt fyrir COVID-19.
Fyrirtækin sem kynna viðbragðsáætlanir sínar eru:
Rio Tinto á Íslandi
MS
Myllan
Þúsund fjalir
Á meðan á kynningum stendur gefst fjarfundargestum tækifæri á að senda fyrirspurnir til fyrirtækjanna á streymisslóð fjarfundarins.
Á fundinum verður einnig fulltrúi frá vinnumarkaðssviði Samtaka atvinnulífsins sem svarar spurningum er tengjast starfsmannamálum.