Fjölbreytt dagskrá í Tjaldi atvinnulífsins
Hús atvinnulífsins flutti í Vatnsmýrina 11.-13. júní og tók þar þátt í fundi Fólksins sem var ætlað hvetja til opinna skoðanaskipta milli almennings, stjórnmálamanna og frjálsra félagasamtaka.
Samtök atvinnulífsins, Samtök iðnaðarins, Samtök ferðaþjónustunnar, Samtök verslunar og þjónustu, Samtök fjármálafyrirtækja, Samtök fyrirtækja í sjávarútvegi, Frumtök, Samtök álframleiðenda og Litla Ísland reistu Tjald atvinnulífsins og buðu upp á 23 spennandi viðburði á þremur dögum.
Umhverfismál, menntamál, tölvuglæpir, Litla Ísland, fjarskiptabyltingin, markaðsmál og viðskiptafrelsi var meðal þess sem fjallað var um. Einar Þorsteinsson, fréttamaður á Rúv rakti garnirnar úr forystufólki í atvinnulífinu og stjórnmálamönnum, Ari Eldjárn var með uppistand og Pétur Marteinsson fjallaði um samspil fótbolta og atvinnulífs.