Fjölmennur fundur um ábyrgðir í mannvirkjagerð
Fjölmennt var á fundi Samtaka iðnaðarins sem haldinn var í Húsi atvinnulífsins í morgun um ábyrgðir í mannvirkjagerð. Jóhanna Klara Stefánsdóttir, sviðsstjóri mannvirkjasviðs SI, var fundarstjóri og Ingibjörg Halldórsdóttir, héraðsdómslögmaður, flutti erindi. Ingibjörg fór yfir ábyrgð og lögbundið hlutverk byggingarstjóra, iðnmeista og hönnuða. Auk þess fjallaði hún um skaðabótaábyrgð vinnuveitenda, starfsábyrgðartryggingar og tímalengd ábyrgða.
Á fundinum voru afhentar nýjar útgáfur Samtaka iðnaðarins, Hver ber ábyrgð á mannvirkinu?, sem byggja á minnisblaði sem Ingibjörg gerði fyrir samtökin um ábyrgðir. Þeir félagsmenn SI sem vilja fá eintök af útgáfunum geta haft samband í gegnum netfangið mottaka@si.is.
Á næstu vikum verða sambærilegir fundir haldnir á eftirtöldum stöðum um landið:
Selfoss - 5. nóvember kl. 17.00 á Hótel Selfossi
Akureyri - 6. nóvember kl. 17.00 á Hótel KEA
Ísafjörður - 12. nóvember kl. 17.00 á Vestfjarðastofu
Egilsstaðir - 14. nóvember kl. 17.00 á Hótel Héraði
Reykjanes - auglýst síðar
Vesturland - auglýst síðar
