Fjölmennur fundur um gæðastjórnun í byggingariðnaði
Fjölmennt var á fræðslu- og umræðufund um gæðastjórnun í byggingariðnaði sem var haldinn í húsakynnum Iðunnar í Vatnagörðum 20 í gær þegar hátt í 100 manns sátu fundinn, bæði á staðnum og í streymi. Fundurinn var haldinn í samvinnu hóps gæðastjóra innan Samtaka iðnaðarins og Iðunnar fræðsluseturs. Yfirskrift fundarins var virkniúttekt gæðakerfa/skjalavistunarkerfa.
Fundarstjóri var Guðrún Ólafsdóttir, gæða- og öryggisstjóri Bygg. Að kynningum loknum sköpuðust góðar umræður.
Eftirfarandi erindi voru flutt á fundinum:
- Hvernig gengur og hvernig er staðan? - Jónas Þórðarson, HMS.
- Hvernig er úttektin undirbúin - Eyjólfur Bjarnason gæða- og öryggisstjóri hjá Arnarhvoli.
- Reynsla af framkvæmd úttekta - Árni H. Kristinsson, framkvæmdastjóri BSI á Íslandi.
- 4. ISO 9001 gæðakerfi - Anna Jóna Kjartansdóttir, gæða- og öryggisstjóri hjá ÍSTAK.
Um var að ræða fyrsta fund af fjórum sem haldnir verða á næstu mánuðum. Næsti fundur verður haldinn 19. janúar.
Jónas Þórðarson hjá HMS.
Eyjólfur Bjarnason gæða- og öryggisstjóri hjá Arnarhvoli.
Anna Jóna Kjartansdóttir, gæða- og öryggisstjóri hjá ÍSTAK.
Árni H. Kristinsson, framkvæmdastjóri BSI á Íslandi.
Guðrún Ólafsdóttir, gæða- og öryggisstjóri Bygg.