Fjórar framúrskarandi plastlausar lausnir í úrslitum Bláskeljar
Bláskelin, viðurkenning umhverfis- og auðlindaráðuneytisins fyrir framúrskarandi plastlausa lausn, verður afhent í beinni útsendingu á Facebooksíðu Umhverfisstofnunar á morgun 8. september kl. 13.00.
Tilnefningar voru 16 og í úrslitum eru eftirtaldir aðilar:
- Bioplastic Skin eru hverfisvænar umbúðir úr dýrahúðum sem nota má til að pakka kjötvörum.
- Krónan hefur unnið markvisst að því að draga úr magni plasts sem fellur til í verslunum og auka endurvinnslu.
- Matarbúðin Nándin er plastlaus matarbúð sem endurnýtir glerið sem selt er í búðinni.
- Plastplan sérhæfir sig í plastendurvinnslu, hönnun og fræðslu.
Dagskrá á viðburðinum á morgun:
• Opnunarávarp – Hildur Harðardóttir og Birgitta Steingrímsdóttir hjá Umhverfisstofnun
• Ávarp dómnefndar – Sigríður Mogensen hjá Samtökum iðnaðarins
• Afhending Bláskeljar – Guðmundur Ingi Guðbrandsson, umhverfis- og auðlindaráðherra
• Myndband um sigurlausnina
• Plastlaus september – Heiður Magný Herbertsdóttir, formaður samtakanna Plastlaus september
Dómnefndina skipa Sigrún Ágústsdóttir, forstjóri Umhverfisstofnunar, Sigríður Ingvarsdóttir, forstjóri Nýsköpunarmiðstöðvar Íslands, Sigríður Mogensen, sviðsstjóri hjá Samtökum iðnaðarins og Sævar Þór Halldórsson í framkvæmdahópi Plastlauss september.
Nánar á vef Umhverfisstofnunar.