Formaður Meistarafélags bólstrara endurkjörinn
Formaður Meistarafélags bólstrara, Ásgrímur Þór Ásgrímsson var endurkjörinn á aðalfundi félagsins sem haldinn var í vikunni. Á fundinum flutti formaður skýrslu stjórnar um störf félagsins á starfsárinu 2019 ásamt því að gjaldkeri félagsins, Ásgeir Norðdahl Ólafsson, fór yfir ársreikning félagsins.
Breyting varð á stjórn félagsins en í henni sitja auk Ásgríms, Ásgeir Norðdahl Ólafsson, gjaldkeri og Birgir Karlsson, ritari. Loftur Þór Pétursson gaf ekki kost á sér til áframhaldandi stjórnarsetur og voru honum færðar þakkir fyrir hans störf í þágu félagsins á undanförnum árum.
Á myndinni hér fyrir ofan er formaður félagsins Ásgrímur Þór Ásgrímsson.