Fulltrúar SI heimsækja framleiðslufyrirtæki á Norðurlandi
Fulltrúar SI ásamt fulltrúa Samtaka fyrirtækja í landbúnaði, SAFL, heimsóttu aðildarfyrirtæki SAFL í Eyjafirði og Skagafirði. Einnig heimsóttu fulltrúarnir nokkra frumframleiðendur í landbúnaði sem staðsettir eru á svæðinu, kynntu sér fjölbreytta starfsemi þeirra og ræddu áskoranir og tækifæri sem viðkomandi standa frammi fyrir. Fulltrúar SI sem voru á ferð um Norðurland eru Sigurður Hannesson, framkvæmdastjóri SI, Sigríður Mogensen, sviðsstjóri iðnaðar- og hugverkasviðs SI, og Sigurður Helgi Birgisson, viðskiptastjóri á iðnaðar- og hugverkasviði SI. Margrét Gísladóttir, framkvæmdastjóri SAFL, var einnig með í för.
Í ferðinni var einnig skoðuð framleiðsla hjá Steinull á Sauðárkróki þar sem svörtum fjörusandi er umbreytt í steinull til húseinangrunar. Á myndinni eru, talið frá vinstri, Reimar Marteinsson, fulltrúi rekstrarstjórnar KS, Magnús starfsmaður hjá Steinull, Sigurjón R. Rafnsson, aðstoðarkaupfélagsstjóri KS, Sigurður Hannesson, framkvæmdastjóri SI, Sigurður Helgi Birgisson, viðskiptastjóri á iðnaðar- og hugverkasviði SI, og Sigríður Mogensen, sviðsstjóri iðnaðar- og hugverkasviðs SI.