Fulltrúar SI og SA á fundum Business Europe í Madrid
Árni Sigurjónsson, formaður SI, og Halldór Benjamín Þorbergsson, framkvæmdastjóri SA, sátu fundi Business Europe sem fóru fram í Madrid. Meðal annars sátu þeir fund með Felipe VI konungi Spánar fyrr í dag.
Í Madrid komu saman fulltrúar 40 aðildarsamtaka Business Europe í boði spænsku atvinnurekendasamtakanna CEOE. Tilgangurinn var að kynna áherslur Business Europe fyrir forystufólki Evrópusambandsins en Spánverjar eru að taka við formennsku í ráði Evrópusambandsins. Meðal annars kom fram á fundunum að það þurfi samkeppnishæf fyrirtæki til að styrkja alþjóðlega stöðu Evrópu, tryggja góð lífskjör og standast græn og stafræn umskipti sem þegar eru hafin. Áhersla var lögð á að haldið verði áfram vinnu við evrópska samkeppnishæfnistefnu en slík vinna hófst fyrr á þessu ári. Hvatt var til þess að dregið verði úr reglubyrði fyrirtækja, dýpka samþættingu innri markaðarins og tryggja orkuframboð á samkeppnishæfu verði.
Fundur með Felipe VI konungi Spánar.
Konungur Spánar og formaður SI.
Árni Sigurjónsson, formaður SI.
Halldór Benjamín Þorbergsson, framkvæmdastjóri SA, og Árni Sigurjónsson, formaður SI.
Fulltrúar allra aðildarsamtaka Business Europe.