Græn tækni til umfjöllunar á opnum fundi SI
Samtök iðnaðarins standa fyrir opnum fundi um framtíð grænnar tækni á Íslandi þriðjudaginn 24. maí kl. 9.00-10.30 í Hyl í Húsi atvinnulífsins í Borgartúni 35. Hér er hægt að skrá sig á fundinn.
Íslensk stjórnvöld hafa sett háleit markmið í loftslagsmálum og mun nýsköpun og tækniþróun leika lykilhlutverk í að þeim markmiðum verði náð. Mikil gróska er í grænni tækni á Íslandi en á fundinum verður rætt um tækifærin og áherslumál fyrirtækja á þessu sviði. Samtök iðnaðarins hvetja frumkvöðla og forsvarsmenn fyrirtækja á þessu sviði til að mæta og taka þátt í samtalinu.
Fundarstjóri er Nanna Elísa Jakobsdóttir, viðskiptastjóri á iðnaðar- og hugverkasviði SI.
Dagskrá
- Opnun fundar - Sigríður Mogensen, sviðsstjóri iðnaðar- og hugverkasviðs SI
- Bakgrunnur og forsaga Clean Tech Iceland - Lárus M.K. Ólafsson, viðskiptastjóri á iðnaðar- og hugverkasviði SI
- Reynslusögur íslenskra fyrirtækja í grænni tækni
- Alor - Linda Fanney Valgeirsdóttir, framkvæmdastjóri
- Carbon Recycling International - Ómar Sigurbjörnsson, sölu- og markaðsstjóri
- Umræður