Heimsókn í ÍSAM
Starfsmenn SI, þau Sigurður Hannesson, framkvæmdastjóri SI, og Ragnheiður Héðinsdóttir, viðskiptastjóri matvælaiðnaðar á framleiðslusviði SI, heimsóttu ÍSAM í dag. Bergþóra Þorkelsdóttir, framkvæmdastjóri ÍSAM tók á móti þeim. Hún sagði frá starfsemi ÍSAM sem er íslenskt framleiðslufyrirtæki auk þess að vera innflutningsfyrirtæki. ÍSAM rekur Frón, Kexsmiðjuna, Mylluna og Ora. Þá er Fastus hluti af samstæðunni.
Á fundi þeirra var m.a. rætt um rekstrarskilyrði íslenskra fyrirtækja, vaxandi opinberar kröfur til fyrirtækja, tækniþróun og vinnumarkaðsmál.
Á myndinni eru Bergþóra og Sigurður.