Heimsókn í MS
Fulltrúar SI heimsóttu starfsstöð MS á Selfossi fyrir skömmu, þau Ragnheiður Héðinsdóttir, viðskiptastjóri matvæla á framleiðslusviði SI, og Gunnar Sigurðarson, viðskiptastjóri á framleiðslusviði SI. Þar fengu þau lærdómsríka leiðsögn um alla framleiðslustöðina og rannsóknarstofu.
Það var Sunna Gunnars Marteinsdóttir hjá MS í Reykjavík sem fylgdi Ragnheiði og Gunnari til Selfoss þar sem á móti þeim tóku Ágúst Þór Jónsson, rekstrarstjóri, Ólafur Ragnarsson, framleiðslustjóri, og Björn Baldursson, gæðastjóri. Á rannsóknarstofunni hittu þau Björn S. Gunnarsson og Ólaf Unnarsson.