Helstu skattabreytingar sem tóku gildi um áramótin
Samtök iðnaðarins hafa tekið saman helstu breytingar á sköttum og gjöldum sem tóku gildi um áramótin og hafa áhrif á félagsmenn SI. Ekki er um endanlega upptalningu að ræða og er þeim sem vilja kynna sér málið frekar bent á vef Alþingis og vef ríkisskattstjóra.
- Staðgreiðsla, tekjuskattur og útsvar verður á árinu 2017 í tveimur þrepum: Mánaðarlaun að 834.707 krónum - 36,94%. Mánaðarlaun umfram 834.708 krónur - 46,24%.
- Persónuafsláttur hækkar í 52.907 krónur á mánuði.
- Tryggingagjald verður 6,85%.
- Áfengisgjald hækkar um 4,7%.
- Olíu- og bensíngjald, bifreiðagjöld, kolefnis- og vörugjald á eldsneyti hækka um 4,7%.
- Ýmis önnur gjöld hækka um 2,5%.