Hugverkaiðnaðurinn í sókn
Þetta er 46 milljarða króna verðmiði og er ein stærsta hátæknisala í sögunni. Hugverkaiðnaðurinn er í bullandi sókn, hann er nýorðinn stærri en sjávarútvegurinn og orðinn 7,3% af landsframleiðslu. Þetta er bara ný stoð í hagkerfinu og þessi sala staðfestir það. Þetta segir Tryggvi Hjaltason hjá CCP og nýkjörinn formaður Hugverkaráðs SI í fréttum Stöðvar 2 í gær um kaup fyrirtækis í Suður-Kóreu á íslenska tölvuleikjaframleiðandann CCP. Hann segir söluna vera viðurkenningu fyrir íslenskan hugvitsiðnað.
Í fréttinni kemur fram að CCP, sem er aðildarfyrirtæki hjá Samtökum iðnaðarins, gefur út leikinn EVE Online sem hefur notið mikilla vinsælda og gert sé ráð fyrir óbreyttum rekstri fyrirtækisins hér á landi en 200 manns vinna hjá CCP á Íslandi og um 50 í útlöndum.
Á vef Stöðvar 2 er hægt að sjá fréttina í heild sinni.