Hvar má gámurinn vera?
Álitaefni um stöðuleyfi - Hvar má gámurinn vera? er yfirskrift opins fundar sem Samtök iðnaðarins efna til næstkomandi þriðjudag 15. maí kl. 8.30-10.00 í Kviku í Borgartúni 35. Á fundinum verður fjallað um stöðuleyfi en upp hafa komið ýmis álitaefni um framfylgd sveitarfélaga á ákvæðum byggingarreglugerðar um stöðuleyfi og af því tilefni gaf Mannvirkjastofnun út leiðbeiningar um umsókn stöðuleyfa á síðasta ári. Farið verður yfir þær reglur sem gilda og þau álitamál sem uppi eru.
Fundarstjóri er Eyrún Arnarsdóttir, viðskiptastjóri á mannvirkjasviði SI.
Dagskrá
- Björg Ásta Þórðardóttir, lögfræðingur SI - Stöðuleyfi fyrir gáma á atvinnulóðum – ferill málsins
- Ingibjörg Halldórsdóttir, lögmaður hjá Land lögmenn - Ákvæði byggingarreglugerðar um stöðuleyfi
- Tryggvi Þórhallsson, lögfræðingur Sambands íslenskra sveitarfélaga - Nokkur álitaefni varðandi kröfur sem sveitarfélög gera til gáma á atvinnulóðum
- Umræður og fyrirspurnir
Heitt á könnunni frá kl. 8.15.
Hér er hægt að skrá sig á fundinn.