Hvatningarviðurkenningar fyrir áltengda nýsköpun
Á Nýsköpunarmóti Álklasans í gær voru veittar hvatningarviðurkenningar og styrkir til nemendaverkefna sem þóttu standa fram úr á sviði áltengdrar nýsköpunar, en það hefur tíðkast frá árinu 2018. Áherslur á snjallvæðingu og grænar lausnir voru áberandi í þeim verkefnum sem tilnefnd voru og kallast það vel á við áherslu iðnaðarins um þessar mundir. Stuðningsaðilar hvatningarviðurkenninganna eru Alcoa Fjarðaál, Efla, Íslandsstofa, Landsbankinn, Mannvit, Norðurál, , Rio Tinto á Íslandi, Samál, Samtök iðnaðarins og Tæknisetur.
Á myndinni eru styrktaraðilar og nemendur við afhendingu hvatningarviðurkenninganna: Brynjar Bragason Eflu, Gunnar Sverrir Gunnarsson Mannviti, Sigrún Helgadóttir Norðuráli, Dagmar Ýr Stefánsdóttir Alcoa Fjarðaáli, Ásmundur Hálfdán, Jóhanna Lóa, Ragnar Loki, Lingxue Guan, Guðrún Sævarsdóttir Háskólanum í Reykjavík sem tók við viðurkenningu fyrir Kamaljeet Singh, Birna Pála Kristinsdóttir Isal og Guðbjörg Óskarsdóttir Álklasanum og Tæknisetri.
Nemendurnir sem fá viðurkenningu í ár:
- Ásmundur Hálfdán Ásmundsson, Háskólanum í Reykjavík: Hönnun á staðfrænum tvíbura fyrir málmflæði hjá Alcoa Fjarðaáli með áherslu á búnað og gögn.
- Kamaljeet Singh, Háskólanum í Reykjavík: Grunnrannsóknir á rafgreiningu með eðalskautum.
- Jóhanna Lóa Ólafsdóttir og Ragnar Loki Ragnarsson, Háskóla Íslands: Nýr umhverfisvænn kragasalli
- Lingxue Guan, Háskóla Íslands: Að samþætta öfluga osmósu með föngun CO2 fyrir raforkuframleiðslu og kolefnisbindingu.
Fyrri verðlaunahafar:
2021
- Aðalsteinn Bragason, Ingvar Birgir Jónsson og Sverrir Ólafsson, Stóriðjuskóla Isal: Straummælingar skauta framkvæmdar úr skautskiptitækjum.
- Áslaug Guðmundsdóttir, Háskóla Íslands: Straummælingar forskauta í kerskálum álvera.
- Berglind Höskuldsdóttir, Háskólanum í Reykjavík: Innleiðing á rauntímaefnagreiningu í kerskála álvers.
- Diljá Heba Petersen, KTH og Háskóla Íslands: Í átt að hringrásarhagkerfi: Meðhöndlun úrgangs í íslenskum orkufrekum iðnaði.
- Sarah Elizabeth Di Bendetto, Háskólanum í Reykjavík: Hermun á loftstreymi og varmaflutningi undir yfirbyggingu rafgreiningarkers fyrir álframleiðslu.
2019
- Caroline Mary Medion, Háskólanum í Reykjavík: Bætt straumnýtni hjá lághita rafgreiningu á áli með lóðréttum eðalrafskautum.
- Diljá Heba Petersen, Háskóla Íslands: Endurnýtingarmöguleikar slaggs frá kísiljárnframleiðslu.
- Eymar Andri Birgisson, Háskólanum í Reykjavík: Sjálfvirknivæðing á kerviðgerðum með tölvusjón.
- Hinrik Már Rögnvaldsson, Háskóla Íslands: Flokkunarmódel planaðrar áltöku.
2018
- Kevin Dillman, Háskóla Íslands: LCA greining á íslenskri álframleiðslu.
- Leó Blær Haraldsson, Háskólanum í Reykjavík: Hitaveita með varmaendurvinnslu frá Fjarðaál, fýsileikagreining.
- Matthías Hjartarson, Háskólanum í Reykjavík: Uppbygging á tauganeti fyrir greiningu á raflausnarleifum á dökku yfirborði í raunumhverfi.
- Regína Þórðardóttir, Háskóla Íslands: Kortlagning á framleiðsluúrgangi sem fellur til innan áliðnaðar.