Íslandsmót iðn- og verkgreina hefst í Laugardalshöll í dag
Íslandsmót iðn- og verkgreina hefst í Laugardalshöll í Reykjavík í dag og stendur til laugardags. Um 150 keppendur taka þátt í Íslandsmótinu og verður keppt í 21 iðngrein en alls taka 27 iðn- og verkgreinar þátt í ár. Það er Verkiðn – Skills Iceland sem halda utan um Íslandsmótið. Búist er við um 8 þúsund grunnskólanemendum í 9. og 10. bekk alls staðar að af landinu sem ætla að kynna sér námsmöguleika og fjölbreytni iðngreina.
Á laugardeginum eru fjölskyldur boðnar sérstaklega velkomnar. Gefst þá tækifæri til að snerta og upplifa ýmislegt skemmtilegt sem snertir nám og störf í iðn- og verkgreinum. Team Spark kynnir rafmagnsbíl og einnig verður í boði að smakka kræsingar sem útbúnar hafa verið í keppninni.
Opnunartími:
- Fimmtudaginn 16. mars kl. 9 – 16
- Föstudaginn 17. mars kl. 9 – 16
- Laugardaginn 18. mars kl. 10 – 14, fjölskyldudagur, fræðsla og fjör
Nánar á vefsíðunni Verkiðn.is.