Kallað eftir norrænum sjálfbærum stólum
Norræna ráðherranefndin hefur sett af stað hönnunarkeppni þar sem leitað er að sjálfbærum stólum. Kallað er eftir tillögum frá húsgagnahönnuðum og húsgagnaframleiðendum á Norðurlöndum og eru þeir hvattir til að líta yfir verk sín og horfa á þau út frá sjónarhorni sjálfbærni. Hægt er að senda inn tillögur fram til kl. 14.00 miðvikudaginn 3. október næstkomandi.
Þeir sem komast í úrslit og sigurvegarar keppninnar verða kynntir í norræna skálanum á loftslagsráðstefnu Sameinuðu þjóðanna sem haldin verður í Póllandi í desember. Þá verður vinningsstóllinn einnig til sýnis í Werck hönnunargalleríinu í Kaupmannahöfn í eitt ár.
Á vef Hönnunarmiðstöðvar er hægt að nálgast frekari upplýsingar um keppnina.