Klæðskera- og kjólameistarafélagið 80 ára
Klæðskera- og kjólameistarafélagið fagnar 80 ára afmæli á þessu ári. Félagið var stofnað 2. september 1943 þegar 12 konur komu saman í kjólaversluninni Fix í Reykjavík.
Í tilefni af 80 ára afmælinu var efnt til fagnaðar í Húsi atvinnulífsins síðastliðinn laugardag. Meðal þeirra sem boðið var voru heiðursfélagar. Einnig fór fram afhending sveinsbréfa til níu nemenda úr kjólasaum og klæðskurði.
Í Morgunblaðinu er rætt við Selmu Ragnarsdóttur kjólameistari en hún er í 80 ára afmælisnefnd félagsins þar sem hún segir meðal annars: „Við vildum fagna afmælinu með því að bjóða þessum heiðurskonum félagsins, sem sumar muna fyrri tímana vel, með því að hafa virkilega flott teboð og spjalla saman um sögu félagsins.“
Morgunblaðið, 23. september 2023.