Konur í rafiðnaði í aðalhlutverki í fjórum myndböndum Sart
Samtök rafverktaka, Sart, hafa sett í loftið fjögur ný myndbönd á samfélagsmiðlum sem unnin eru upp úr ráðstefnu samtakanna um konur í rafiðnaði. Í myndböndunum er fjallað um lykilþætti sem skipta máli til að efla þátttöku kvenna í greininni, meðal annars mikilvægi jákvæðrar vinnustaðamenningar, skýrrar stefnumótunar gegn áreiti og einelti, aukins sýnileika kvenna og hlutverks fyrirmynda. Þá er einnig dregið fram hvernig fjölbreytt og blönduð teymi styrkja vinnustaði, bæta menningu og stuðla að betri árangri.
Hér fyrir neðan er hægt að nálgast myndböndin fjögur:
Hér er fjallað um mikilvægi þess að breyta hugsunarhætti og talsmáta á vinnustöðum, og mikilvægi þess að atvinnurekendur hafi skýra stefnu gegn áreiti og einelti til að tryggja öryggi og vellíðan allra starfsmanna.
Hér er rætt um þá ábyrgð sem hvílir á fyrirtækjum að gera störf kvenna sýnilegri þar sem sýnileiki og hvatning getur orðið til þess að konum fjölgi í rafiðnaði.
Hér er rætt um mikilvægi þess að ungar stúlkur hafi skýrar fyrirmyndir í faginu og hvernig jafnvel lítil kynni af konum í rafiðnaði geta haft gríðarleg áhrif á áhuga þeirra á greininni.
Hér er rætt er um hvernig blandaðir vinnustaðir bæta menningu, auka umræðu og skila skilvirkari og arðbærari teymum.