Kynning fyrir félagsmenn SI á samstarfsvettvanginum Burði
Mannvirkjasvið Samtaka iðnaðarins stendur fyrir fundi fimmtudaginn 20. nóvember kl. 12-13 í Húsi atvinnulífsins í Borgartúni 35 fyrir félagsmenn í byggingar- og mannvirkjagerð þar sem Húsnæðis- og mannvirkjastofnun mun kynna Burð - nýstofnaðan samstarfsvettvang um rannsóknir og prófanir í mannvirkjagerð sem var formlega stofnaður mánudaginn 10. nóvember.
Á fundinum verður farið yfir:
- Tilurð Burðar og helstu markmið vettvangsins
- Hvernig stjórnvöld, háskólasamfélag og atvinnulíf koma að uppbyggingu samstarfsins
- Tækifæri iðnaðarins til að taka virkan þátt í mótun, þróun og úrvinnslu verkefna
- Fyrstu skrefin í starfsemi Burðar og áherslur næstu missera
Um Burð
Burður er nýr samstarfsvettvangur sem hefur það hlutverk að efla og samhæfa rannsóknir og prófanir í húsnæðis- og mannvirkjagerð á Íslandi. Vettvangurinn byggir á samstarfi stjórnvalda, menntastofnana og atvinnulífs og hefur það að markmiði að:
- Auka slagkraft og samræmingu rannsókna og prófana
- Efla samnýtingu innviða, búnaðar og gagna
- Stuðla að betri, öruggari og sjálfbærari mannvirkjum
- Styðja við nýsköpun og innleiðingu nýrrar þekkingar
Fréttaefni og útgefið efni vegna stofnunar Burðar má finna á vef HMS.
Hér er hægt að skrá sig á fundinn.