Kynningarfundur um græna styrki
Kynningarfundur á styrkjum sem bjóðast á sviði umhverfis-, loftslags- og orkumála verður haldinn fimmtudaginn 23. mars kl. 8.30-16.00 í Háteig á Grand Hótel Reykjavík. Ætlunin með fundinum er að tengja saman stuðningsumhverfi, fyrirtæki, stofnanir og sveitarfélög. Grænvangur, Rannís, Festa, Orkustofnun og umhverfis-, orku- og loftslagsráðuneytið standa að fundinum.
Guðlaugur Þór Þórðarson ráðherra loftslagsmála mun ávarpa gesti og opna viðburðinn. Í kjölfarið verða stuttar kynningar á helstu sjóðum og styrkjatækifærum sem standa Íslendingum til boða á þessu sviði í bland við örsögur aðila sem hafa farsæka reynslu af því að sækj í sjóði vegna grænna verkefna. Að kynningum loknum tekur við Styrkjamót en þá geta þátttakendur bókað örfundi til að kynnast, fræðast og kanna möguleika á samstarfi í framtíðinni þar sem hægt er að ræða ákveðna styrki við sérfræðinga eða kynna ný græn verkefni.
Hér er hægt að skrá sig á fundinn.
Dagskrá
Fundarstjóri: Anna Margrét Kornelíusdóttir, Íslensk nýorka
08:30 Húsið opnar
09:00 Ávarp frá umhverfis-, orku- og loftslagsráðherra
09:20 Erindi aðstandenda viðburðar og örerindi styrkþega
- Halla Hrund Logadóttir, orkumálastjóri
- Ágúst Hjörtur Ingþórsson, forstöðumaður Rannís
- Nótt Thorberg, forstöðumaður Grænvangs
- Harpa Júlíusdóttir, verkefnastjóri, Festa
- E1 - Hafrún Þorvaldsdóttir
- Laki Power - Ósvaldur Knudsen
- Gerosion - Kristján Friðrik Alexandersson
10:30 Kaffi
11:00 Kynningar á erlendum sjóðum
- Horizon Europe - Kolbrún Bjargmundsdóttir, Rannís
- Innovation Fund og Clean Energy Transition - Sigurður Björnsson, Rannís
- LIFE - Gyða Einarsdóttir, Rannís
- Enterprise Europe Network (EEN) - Katrín Jónsdóttir, Rannís
- Uppbyggingarsjóður EES - Kolfinna Tómasdóttir, Rannís
12:00 Hádegisverður
13:00 Örerindi styrkþega og kynningar á fleiri sjóðum
- Sidewind - María Kristín Þrastardóttir
- Carbfix - Ragna Björk Bragadóttir
- Nefco - Søren Berg Rasmussen
- Orkusjóður - Sigurður Ingi Friðleifsson, Orkustofnun
- Innlendir sjóðir hjá Rannís - Kristín Hermannsdóttir, Rannís
- Umsóknaskrif og þjónusta við umsækjendur - Rannís
14:30 Stefnumót hefjast. 15 mínútna fundir fara fram í 1,5 klst.
16:00 Skál fyrir styrkjum