Mannvirkjarannsóknarsjóðurinn Askur opnar fyrir umsóknir
Yfir 30 manns mættu á rafrænan fund Húsnæðis- og mannvirkjastofnunar þar sem kynntur var mannvirkjarannsóknarsjóðurinn Askur í síðustu viku.
Á fundinum kynnti Þóra Margrét Þorgeirsdóttir, verkefnastjóri hjá Húsnæðis- og mannvirkjastofnun, sjóðinn en nú hefur verið opnað fyrir umsóknir úr sjóðnum í fyrsta sinn. Umsóknarfrestur er til og með 9. desember næstkomandi.
Sjóðurinn er samstarfsverkefni félagsmálaráðuneytisins og atvinnuvega- og nýsköpunarráðuneytisins. Hlutverk Asks - mannvirkjarannsóknarsjóðs er að veita styrki til mannvirkjarannsókna með áherslu á aukna þekkingu, umbætur og nýsköpun til að mæta samfélagslegum áskorunum á sviði mannvirkjagerðar í samræmi við markmið laga nr. 160/2010, um mannvirki.
Hér er hægt að nálgast glærur sem voru á fundinum.
