Matarbúðin Nándin hlaut Bláskelina
Matarbúðin Nándin hlaut Bláskelina, viðurkenningu fyrir framúrskarandi plastlausa lausn. Nándin er algjörlega plastlaus matvörubúð sem er með hringrás fyrir gler og selur matvörur í niðurbrjótanlegum og moltuhæfum umbúðum. Um er að ræða fjölskyldufyrirtæki sem er staðsett í Hafnarfirði og í Kolaportinu.
Það var Guðmundur Ingi Guðbrandsson, umhverfis- og auðlindaráðherra, sem afhenti Kolbeini Lárusi Sigurðssyni hjá Matarbúðinni Nándin viðurkenninguna í beinni útsendingu á vef Umhverfisstofnunar í dag.
Í úrslitahópi dómnefndar voru auk Matarbúðarinnar Nándar, Bioplastic skin, Krónan og Plastplan. Dómnefndin var skipuð fulltrúum frá Umhverfisstofnun, Nýsköpunarmiðstöð Íslands, Samtökum iðnaðarins og Plastlausum september. Sigríður Mogensen, sviðsstjóri hugverkasviðs SI, sat í dómnefnd sem fulltrúi SI, hún er önnur frá hægri á myndinni.
Hér er hægt að skoða útsendinguna frá afhendingu viðurkenningarinnar.
Hér er myndband um matarbúðina:
https://www.youtube.com/watch?v=0k8xvTFEy1s&feature=youtu.be">https://www.youtube.com/watch?v=0k8xvTFEy1s&feature=youtu.be
Guðmundur Ingi Guðbrandsson, umhverfis- og auðlindaráðherra, afhenti Kolbeini Lárusi Sigurðssyni hjá Matarbúðinni Nándin viðurkenninguna.