Matvælarannsóknir í breyttum heimi
Matvæladagur Matvæla- og næringarfræðafélags Íslands, MNÍ, verður haldinn á Hótel Natura fimmtudaginn 20. október kl. 13-17 undir yfirskriftinni Matvælarannsóknir í breyttum heimi.
Bryndís Skúladóttir, forstöðumaður framleiðslu- og matvælasviðs og umhverfissérfræðingur SI, verður með erindi á ráðstefnunni um íslenskan matvælaiðnað og umhverfismál en á ráðstefnunni á að fjalla um rannsóknir og nýsköpun í matvælaiðnaði, líftækni og erfðaauðlindir.
Í upphafi ráðstefnunnar afhendir Almar Guðmundsson, framkvæmdastjóri SI, Fjöregg MNÍ sem er veitt á Matvæladegi fyrir lofsvert framtak á sviði matvæla og næringar. Fjöreggið er veglegur verðlaunagripur, hannaður og smíðaður af Gleri í Bergvík og hefur frá upphafi verið gefinn af Samtökum iðnaðarins.
Nánari upplýsingar um dagskrá eru hér og þátttakendur eru beðnir að skrá sig hér á vef MNÍ.