Mentor-fundur YR með stjórnarformanni ÍAV
Yngri ráðgjafar sem er deild innan Félags ráðgjafarverkfræðinga efndu til Mentor-fundar með Sigurði R. Ragnarssyni, stjórnarformanni ÍAV og verkefnastjóra, sem sagði frá vegferð sinni sem verkfræðings í ráðgjöf á fyrri stigum starfsferils síns sem og reynslu sinni sem verktaki sl. 18 ár. Sigurður veitti ungu ráðgjöfunum innsýn inn í hinar ýmsu áskoranir sem hann hefur þurft að mæta og sigrast á í verkefnastjórnun.
Góðar umræður urðu á fundinum um hina ýmsu anga á störfum ráðgjafarverkfræðinga og hvatti Sigurður fundarmenn til að hafa kjark og þor til að hanna og leysa ýmis vandamál sem upp geta komið í vegferð þeirra við ráðgjöf.
Stjórn Yngri ráðgjafa færir Sigurði bestu þakkir fyrir skemmtilega og líflega kynningu sem mun gagnast fundarmönnum vel um ókomin ár í störfum sínum sem ráðgjafaverkfræðingar.
Sigurður R. Ragnarsson, stjórnarformaður ÍAV og verkefnastjóri.
