Mikill áhugi á málstofu um samspil vetnis og vinds
Mikill áhugi var á málstofu um samspil vetnis og vinds sem Vetnis- og rafeldsneytissamtökin, VOR, efndu til en hátt í 40 manns mættu á málstofuna sem fór fram í Húsi atvinnulífsins í gær. Yfirskrift málstofunnar var Jöfnun slitrótts rafmagns í lokuðu raforkukerfi. Guðný Hjaltadóttir, viðskiptastjóri á iðnaðar- og hugverkasviðis SI, stýrði málstofunni.
Fyrsti frummælandi á málstofunni var Auður Nanna Baldvinsdóttir, forstjóri IðunnarH2 og formaður VOR, sem flutti erindi um hagkvæmni í samhliða uppbyggingu vetnis og vinds á Íslandi. Þá tók Magnús Bjarnason, stjórnarformaður Fjarðarorku, við og sagði frá rafeldsneytisframleiðslu í Orkugarði Austurlands. Síðasti frummælandinn var Anna Wartewig, sérfræðingur hjá Qair Ísland H2, sem flutti erindi með yfirskriftinni Intermittency, hydrogen production and balancing. Í lok framsöguerindanna var efnt til umræðna.
Auður Nanna Baldvinsdóttir, forstjóri IðunnarH2 og formaður VOR.
Magnús Bjarnason, stjórnarformaður Fjarðarorku.
Anna Wartewig, sérfræðingur hjá Qair Ísland H2.
Guðný Hjaltadóttir, viðskiptastjóri á iðnaðar- og hugverkasviðis SI.
