„Það hafa verið fordómar gagnvart iðnmenntun en við verðum að breyta því, þar er til dæmis nær ekkert atvinnuleysi og oft hæstu launin,“ segir Jóhanna Vigdís Arnardóttir, verkefnastjóri í menntamálum hjá Samtökum iðnaðarins í viðtali í Morgunblaðinu um helgina í tilefni þess að hún varð 50 ára.
Um vinnuna sína segir hún að þetta sé búið að vera skemmtilegt. „Við erum að reyna að efla iðn-, raun- og tæknimenntun, til dæmis að efla forritunaráhuga í grunnskólum landsins, Þetta er mjög fjölbreytt vinna og hún snýst mikið um samskipti, við erum að efla samstarf milli skóla og fyrirtækja um iðn- og tæknimenntun og erum í samvinnu við ýmsa aðila, eins og menntamálaráðuneytið og Nýsköpunarmiðstöð og fleiri og fleiri,“ segir Jóhanna Vigdís í Morgunblaðinu.
