Norræn bakarasamtök funda á Íslandi
Landssamtök bakaría og kökugerða á Norðurlöndum héldu sinn árlega fund í vikunni og að þessu sinni var fundurinn haldinn á Íslandi eða nánar tiltekið á Siglufirði. Fulltrúar Íslands voru Jóhannes Felixson, formaður LABAK, og Ragnheiður Héðinsdóttir, viðskiptastjóri á framleiðslusviði SI.
Á fundinum var fjallað um fjölbreytt málefni sem varða bökunariðnaðinn og starfsumhverfi hans, s.s. stöðu og þróun á matvörumarkaði, menntamál, samkeppnismál, kjaramál og ýmis fagleg málefni.
Fulltrúar allra Norðurlandanna funduðu á Siglufirði í vikunni.