Matardagar í Smáralind
Nýlega stóð Klúbbur matreiðslumeistara fyrir Matardögum í Vetrargarðinum í Smáralind. Þar var keppt um Íslandsmeistaratitil í matreiðslu og framreiðslu, keppt í eftirréttagerð og fleira og matvælagreinarnar kynntar.
Hótel og matvælaskólinn kynnti starfsemi sína þar sem einbeittir bakaranemar skreyttu kransakökur og kennt var að flambera kokteilpylsur. Kjötmeistarar Kjarnafæðis kynntu vörur fyrirtækisins og gáfu gestum að smakka og Mjólkursamsalan kynnti osta.