Mikill áhugi á nýjum mannvirkjalögum
Fjölmenni var á kynningarfundi SI um mannvirkjalögin og nýstofnaða Mannvirkjastofnun. Framsögumenn voru Steinunn Fjóla Sigurðardóttir lögfræðingur og Hafsteinn Pálsson verkfræðingur, starfsmenn umhverfisráðuneytisins.
Glærur Steinunnar og Hafsteins.
Auk þess að fara yfir lögin og helstu breytingar, hæfiskröfur, starfsleyfi, aðlögunarákvæði eða bráðabirgðaákvæði og tímaramma var einnig gerð grein fyrir starfsemi Mannvirkjastofnunar sem tók til starfa um áramót um leið og lögin tóku gildi.
Fundarmenn voru að vonum áhugasamir um þessi nýju lög og vörpuðu fram fjölmörgum áhugaverðum spurningum.
Helstu áherslu atriði varðandi hlutverk og skyldur byggingastjóra
- Mun ítarlegri ákvæði en áður um hlutverk og skyldur
- Faglegur fulltrúi eiganda
- Framkvæmir innra eftirlit eiganda eftir útgáfu byggingarleyfis
- Byggingarstjóri má ekki vera jafnframt hönnuður eða iðnmeistari viðkomandi mannvirkis (nema mannvirkið sé til eigin nota)
- Starfsleyfi – þrír flokkar byggingarstjóra, eftir gerð mannvirkis
- Gæðastjórnunarkerfi fyrir 1. jan. 2015
Helstu atriði er varða breytinga á ákvæðum um hönnuði
- Í aðalatriðum byggt á gildandi fyrirkomulagi
- Hönnunarstjóri – þarf ekki að vera hönnuður aðaluppdrátta
- Gæðastjórnunarkerfi frá 1. jan. 2015
- Hönnunarstjóri framkvæmir innra eftirlit eiganda á hönnunarstigi
Ákvæði um iðnmeistara er að mestu óbreytt
- Gæðastjórnunarkerfi frá 1. jan. 2015
- Tekið fram að málarameistarar og veggfóðrarameistarar þurfa ekki að skrifa upp á íbúðarhús, frístundahús oþh til eigin nota eiganda