Vélsmiðja Ólafs R. Guðjónssonar hlýtur D-vottun
Vélsmiðja Ólafs R. Guðjónssonar hefur staðist úttekt á fyrsta þrepi áfangaskiptrar gæðavottunar Samtaka iðnaðarins og hlotið D-vottun.
D-vottun er fyrsti hluti gæðavottunarkerfis SI sem tekið er upp í fjórum áföngum. Í því felst að rekstur fyrirtækis er gerður skilvirkari. Fyrirtækið fer í gegnum stefnumótun þar sem afkoma hvers verks eða vöru er skilgreind. Við þetta eykst framleiðni og fyrirtækin skila meiri hagnaði.
Vélsmiðjan var stofnuð 15. desember 1985 og hóf starfsemi í bílskúrnum að Grenigrund 43 á Akranesi. Í upphafi var lögð áhersla á framleiðslu á reiðtygum en síðan bættist við ýmis nýsmíð, handrið, stigar, sperrur og fleira.