Seðlabankinn hækkar vexti
Í tilkynningu frá Seðlabankanum segir að að ef verðbólguhorfur batni ekki er líklegt að hækka þurfi vexti enn frekar til að taumhald peningastefnunnar, sem er enn tiltölulega laust, verði hæfilegt. Bjarni segist ekki sammála því að taumhald peningastefnunnar sé laust. „Vissulega var hagvöxtur á síðasta ári þolanlegur en hann var drifinn áfram af mikill einkaneyslu sem aftur skýrðist að verulegu leyti af sérstökum einskiptis greiðslum til heimilanna.
Staða fyrirtækjanna er enn veik og atvinnuleysi hátt auk þess sem fjárfesting er afar lág. Þetta ástand kallar á lága vexti en ég tel einnig mikilvægt stuðla að auknum útlánum banka m.a. með lækkun á eiginfjárhlutfalli þeirra.
Eina meðalið sem dugar til að vinna gegn verðbólgunni er að koma fjárfestingu í gang og eðlilegu flæði gjaldeyris til landsins. Við verðum að tryggja að sviðsmynd Seðlabankans um hærri vexti og þéttari gjaldeyrishöft verði ekki að veruleika“, segir Bjarni að lokum