Samstarf um hvatningu til neyslu á hollu brauði

Landssamband bakarameistara og Hjartavernd hafa gert með sér samkomulag um að hvetja til heilsusamlegri brauðneyslu þjóðarinnar. Markmiðið er að vekja athygli almennings á hollustu heilkornabrauða og mikilvægi þess að minnka salt- og sykurneyslu. Samkomulagið felur í sér að frá og með 1. september nk. munu félagsmenn LABAK hafa á boðstólum svokallað hjartabrauð sem er alfarið bakað úr heilmöluðu korni og inniheldur hátt hlutfall trefja en lágt hlutfall salts, sykurs og fitu.