Fréttasafn

  • NKG2012

15. okt. 2012

Hugmyndasmiðir framtíðarinnar verðlaunaðir

Verðlaun voru veitt í lokahófi Nýsköpunarkeppni grunnskólanemenda sl. laugardag en keppnin var nú haldin í 21. sinn. Athöfnin fór fram í Háskólanum í Reykjavík. Samtals 40 þátttakendur víðsvegar af landinu tóku þátt í vinnusmiðju NKG og 14 þátttakendur fengu verðlaun, þar af voru 12 hugmyndir.  Í ár bárust 1.100 hugmyndir frá 32 grunnskólum.
 
Forseti Íslands, hr. Ólafur Ragnar Grímsson verndari keppninnar, afhenti verðlaun og flutti hátíðarræðu. Katrín Jakobsdóttir, mennta- og menningarmálaráðherra flutti hvatningarræðu, afhenti viðurkenningarskjöl til þátttakenda og farandbikar til grunnskóla. Þá kynntu þátttakendur hugmyndir sínar fyrir gestum, en JCI stóð fyrir framsöguþjálfun í vinnusmiðju keppninnar. 

Tilgangur nýsköðunarkeppninnar er að efla nýsköpunarstarf í grunnskólum og gera börnum grein fyrir sköpunargáfu sinni og hvernig þroska megi hana í gegnum vinnu með eigin hugmyndir.

Farandbikar til nýsköpunarskóla ársins í flokki minni og stærri skóla 

Farandbikarinn í flokki stærri skóla, fyrir hlutfallslega flestar hugmyndir í keppninni, hlaut Hofsstaðaskóli í Garðabæ. Er þetta fjórða árið í röð sem Hofsstaðaskóli hlýtur bikarinn.

Farandbikarinn í flokki minni skóla, fyrir hlutfallslega flestar hugmyndir í keppninni, hlaut Brúarásskóli Fljótsdalshéraði. Þetta er í fyrsta skipti sem Farandbikarinn er veittur skólum í flokki minni skóla.

Verðlaunahafar í ár

Landbúnaður:

1.      sæti     Kristinn Knörr Jóhannesson, Grunnskólinn austan vatna (fjárskanni)

2.      sæti     Örn Arnarson, Brúarásskóli (áburðargreinir)

3.      sæti     Arndís Ósk Magnúsdóttir (Sauðburður/lambaskjól)

Tölvur og tölvuleikir:

1.      sæti     María Jóngerð Gunnlaugsdóttir, Egilsstaðaskóli (Líkamsleikur)

2.      sæti     Eva Björk Hjelm og Jónína Björk Halldórsdóttir, Grunnskóli Hornafjarðar

                     (iPad dans app)

3.      sæti     Jökull Snær Gylfason, Garðaskóli (glerauganbíó)

Uppfinning:

1.      sæti     Óttar Egill Arnarson, Hofsstaðaskóli (beltisbíll)

2.      sæti     Laufey Snorradóttir, Ingunnarskóli (broddhitaskór)

3.      sæti     Jóel Ingason, Grunnskóli Hornafjarðar (vegur með götum) 

Útlits- og formhönnun:

1.      sæti     Ægir Örn Kristjánsson, Hofsstaðaskóli (Plastver)

2.      sæti     Sunneva Sól Árnadóttir, Flúðaskóli (barnaþurrkuermar)

3.      sæti     Ásgeir Páll Magnússon og Dagur Ingi Valsson, Grunnskóli Fáskrúðsfjarðar (teygjunet)

  

Verðlaun NKG:

Fyrstu verðlaun er iPad og þriðju verðlaun Bamboo teikniborð í boði Samtaka iðnaðarins og Epli.is. Í önnur verðlaun er glæsilegt námskeið í tölvuleikjaforritun frá Skema.is. Auk þess fá 12 stigahæstu þátttakendurnir ferð í Fab Lab í boði Nýsköpunarmiðstöðvar Íslands og gjafabréf í Háskóla unga fólksins í boði Háskóla Íslands.

Guðrúnarbikar

Anna Hulda Ólafsdóttir afhenti bikarinn til minningar um móður sína Guðrúnu Þórsdóttir.

Guðrúnarbikarinn hlaut María Jóngerð Gunnlaugsdóttir úr Egilsstaðaskóla. Hugmynd hennar„líkamsleikur“ vann til fyrstu verðlauna í flokki tölvu- og tölvuleikja. Guðrúnarbikarinn er veittur hugmyndasmið sem er talinn hafa skarað framúr fyrir hugmyndaríki, dugnað, kurteisi og samviskusemi. María Jóngerð hlaut Guðrúnarbikarinn til eignar með þá von að bikarnum fylgi sá kraftur og hvetjandi innblástur sem fylgdi Guðrúnu Þórsdóttur, sem var ein af upphafsaðilum keppninnar.

Nýsköpunarkeppni grunnskólanemenda er haldin á vegum Mennta- og menningarmálaráðuneytisins. NKG verkefnalausnir sjá um framkvæmd og rekstur NKG. Aðalbakhjarl er Marel. Bakhjarlar eru eftirfarandi: Háskólinn í Reykjavík, Háskóli Íslands, Landsbankinn og Samtök iðnaðarins.