Smáþing
Fimmtudaginn 10. október verður blásið til Smáþings á Hótel Reykjavík Nordica þar sem verður stofnaður nýr vettvangur fyrir lítil og meðalstór fyrirtæki á Íslandi undir merkjum Litla Íslands. Samtök atvinnulífsins og aðildarsamtök SA standa að þinginu en þar verða málefni lítilla og meðalstórra fyrirtækja á Íslandi í kastljósinu. Birtar verða tölur um umfang og mikilvægi smáfyrirtækja á Íslandi, framtakssemi Íslendinga verður mæld með hjálp Capacent og reynt verður að meta hversu mörg störf lítil og meðalstór fyrirtæki geti skapað á næstu 3-5 árum. Fjöldi frumkvöðla og fyrirlesara stíga á stokk.
Tilgangur Litla Íslands er að bæta rekstrarumhverfi lítilla fyrirtækja á Íslandi og að byggja upp kröftugra, betra og skemmtilegra samfélag. Íslenskt atvinnulíf er byggt upp af litlum og meðalstórum fyrirtækjum. Þau eru lykilþáttur í verðmætasköpun þjóðarinnar, veita tugum þúsunda vinnu og eru mikilvæg uppspretta nýrra starfa og hugmynda. Skelltu þér á þing og legðu þitt af mörkum ...
DAGSKRÁ SMÁÞINGS 2013
10. október kl. 14-17
Setning
Hjálmar Gíslason, stofnandi og framkvæmdastjóri Data Market.
Umfang og mikilvægi smáfyrirtækja á Íslandi
Þorsteinn Víglundsson, framkvæmdastjóri SA.
Lífið á Litla-Íslandi
Pétur Jónsson, stofnandi og framkvæmdastjóri Medialux.
Sögur af hinu smáa og stóra
- Árni Þór Árnason, stjórnarformaður Oxymap.
- Guðrún Jóhannesdóttir, framkvæmdastjóri Kokku
- Andrés Jónsson, stofnandi og framkvæmdastjóri Góðra samskipta
- Unnur Svavarsdóttir, stofnandi og framkvæmdastjóri GoNorth.
- Sigmar Guðbjörnsson, formaður Samtaka sprotafyrirtækja og framkvæmdarstjóri Stjörnu-Odda.
Hvað geta lítil og meðalstórfyrirtæki skapað mörg ný störf á næstu 3-5 árum?
Niðurstöður nýrrar Outcome-könnunar.
Það sem betur má fara ...
- Heilbrigt verktakaumhverfi á Íslandi
Helga Margrét Reykdal, framkvæmdastjóri True North. - Skynsamlegar skattabreytingar
Andri Gunnarsson og Páll Jóhannesson lögmenn hjá Nordik Lögfræðiþjónustu. - Endurskoðum endurskoðun lítilla og meðalstórra fyrirtækja
- Þorvarður Gunnarsson, forstjóri Deloitte.
- Hversu framtakssamir eru Íslendingar?
Niðurstöður nýrrar Capacent könnunar.
Þingslit og viðbrögð
Ragnheiður Elín Árnadóttir, iðnaðar- og viðskiptaráðherra.
Netagerð og spjall
Hvað getum við gert fyrir þig?
Kynning á þjónustu SA og aðildarsamtaka í forrými frá kl. 16-17. Hittu fyrir frumbyggja Litla-Íslands og spáðu í framtíðina. Léttir tónar og ljúfar veitingar.
Þingstjóri er Hulda Bjarnadóttir, framkvæmdastjóri FKA.
Þingið er öllum opið og er ekkert þáttökugjald.