Gullsmiðadagurinn 19. október
Laugardaginn 19. október nk. munu félagar í Félagi íslenskra gullsmiða (FÍG) halda hátíðlegan Gullsmiðadaginn.
Þetta er í þriðja sinn sem Gullsmiðadagurinn er haldinn. Það er gert í tengslum við afmæli félagsins sem stofnað var 19. október 1924, félagið fagnar því 89 ára afmæli þennan dag.
Markmið Gullsmiðadagsins er vekja athygli á fagmennsku í greininni og fræða almenning um störf gullsmiða og mikilvægi þess að versla við faglærða.
Þetta árið ætla gullsmiðir að leggja áherslu á þrif og almennt viðhald á skartgripum og bjóða gestum og gangandi að koma með uppáhaldsskartgripinn sinn, fá létt þrif á honum og spjalla við fagmanninn.
Í skartgripum liggja oft mikil verðmæti, tilfinningaleg jafnt sem efnisleg og það virðist stundum gleymast að þeir þarfnast þrifa og viðhalds.
Gullsmíði er krefjandi og viðamikið nám þar sem tekið er á mörgum þáttum tengdum faginu. Að versla við faglærðan gullsmið er bæði gæðastimpill með vörunni og felur oftast í sér ábyrgð á henni sem ekki er hægt að ganga að vísri annarstaðar.
Á laugardaginn verða gullsmiðir til taks í verslunum sínum og svara spurningum sem sem brenna á vörum gesta.
Gullsmiðir sem taka á móti gestum:
Hafnarfjörður
- Gullsmiðjan, Lækjargötu 34c
- Nonni gull, Strandgötu 37
- Sign gullsmiðaverkstæði við smábátahöfnina
Kópavogur
- Carat-Haukur gullsmiður, Smáralind
- Meba Rhodium, Smáralind
Reykjanesbær
- Fjóla gullsmiður, Hafnargötu 21
- Georg V. Hannah, úr og skartgripaverslun, Hafnargötu 49
- Gull og hönnun, Njarðvíkurbraut 9
Reykjavík
- Anna María Design, Skólavörðustíg 3
- Aurum, Bankastræti 4
- Gull og silfursmiðjan Erna, Skipholti 3
- Gullkistan, Frakkastíg 10
- Gullkúnst Helgu, Laugavegi 13
- GÞ Skartgripir og úr, Bankastræti 12
- Jens gullsmiður, Kringlunni og Síðumúla 35
- Meba Rhodium, Kringlunni
- Metal Design, Skólavörðustíg 2
- Orr gullsmiðir, Bankastræti 11
- Ófeigur, gullsmiðja og listmunahús, Skólavörðustíg 5