Brjóstabollur með kaffinu alla mæðradagshelgina
Félagsmenn í Landssambandi bakarameistara, LABAK, efna til sölu á brjóstabollum í bakaríum um allt land um mæðradagshelgina, dagana 8.-11. maí. Bollusalan er til stuðnings styrktarfélaginu Göngum saman semstyrkir grunnrannsóknir á brjóstakrabbameini og úthlutar styrkjum í október ár hvert. Þetta er í fjórða sinn sem Landssamband bakarameistara styrkir Göngum saman með þessum hætti og hefur hingað til alls safnað hátt í fimm milljónum króna sem hafa runnið óskiptar til grunnrannsókna á brjóstakrabbameini.
Fyrirtæki og stofnanir eru hvattar til að bjóða starfsmönnum upp á bollur með kaffinu á fimmtudag og föstudag og einstaklingar eru hvattir til að taka þátt í mæðradagsgöngum og gæða sér á brjóstabollum um helgina.
Styrktarfélagið Göngum saman leggur áherslu á mikilvægi hreyfingar til heilsueflingar. Félagið efnir til vorgöngu fyrir alla fjölskylduna víða um land á mæðradaginn, sunnudaginn 11. maí, kl. 11. Gengið verður í Borgarnesi, Stykkishólmi, á Ísafirði, Siglufirði, Akureyri, Egilsstöðum, Seyðisfirði, Reyðarfirði, Nesskaupsstað, Höfn, í Vestmannaeyjum, Hveragerði, Reykjanesbæ og Reykjavík. Allar göngur hefjast kl. 11 og nánari upplýsingar um hvern stað er að finna á vefnum www.gongumsaman.is.
Eftirtalin fyrirtæki selja brjóstabollur um mæðradagshelgina:
Almar bakari | Hveragerði, Selfossi og Þorlákshöfn |
Bakarameistarinn | Reykjavík |
Bakstur og veisla | Vestmannaeyjum |
Bernhöftsbakarí | Reykjavík |
Björnsbakarí | Seltjarnarnesi og Reykjavík |
Brauðgerð Kr. Jónssonar & Co. | Akureyri |
Brauðgerð Ólafsvíkur | Ólafsvík |
Bæjarbakarí | Hafnarfirði |
Gamla Bakaríið | Ísafirði |
Geirabakarí hf. | Borgarnesi |
Guðnabakarí | Selfossi |
Fjarðarbakarí | Hafnarfirði og Kópavogi |
Hjá Jóa Fel. Brauð og kökulist | Reykjavík, Kópvogi og Garðabæ |
Hérastubbur | Grindavík |
Hverabakarí | Hveragerði |
Kornið | Reykjavík, Kópvogi og Reykjanesbæ |
Kökuhornið/Lindabakarí ehf | Kópvogi |
Kökulist | Hafnarfirði |
Kökuval | Hellu |
Mosfellsbakarí | Mosfellsbæ og Reykjavík |
Okkar bakarí | Garðabæ |
Reynir bakari | Kópvogi |
Sigurjónsbakarí | Reykjanesbæ |
Sveinsbakarí | Reykjavík |
Valgeirsbakarí | Reykjanesbæ |