Ný heimasíða SART í loftið
Samtök rafverktaka - SART hafa opnað nýja heimasíðu samtakanna. SART eru aðilar að Samtökum iðnaðarins. Á vefsíðunni er hægt að finna allar helstu upplýsingar um samtökin sem eru samtök fyrirtækja í rafiðnaði. Í Samtökum rafverktaka eru um 180 fyrirtæki.
Á vefsíðu SART er meðal annars hægt að finna upplýsingar um rafmagnsöryggi og er boðið upp á að taka rafmagnspróf sem gefur til kynna hvort rafmagnsmál séu í lagi á heimili eða vinnustað. Þá er hægt að leita í sérstakri leitarvél þar sem hægt er að finna fagfólk og fyrirtæki sem eiga það sameiginlegt að vera í aðildarfélögum SART. Einnig eru að finna á vefsíðunni gagnlegar upplýsingar um fræðslu og menntun á sviði rafiðnar.
Hér er hægt að fara inn á nýja vefsíðu SART.