Ný stjórn Félags ráðgjafarverkfræðinga, FRV, var kosin á aðalfundi sem haldinn var í dag í Húsi atvinnulífsins. Nýr formaður félagsins er Reynir Sævarsson, Efla, en auk hans samanstendur ný stjórn af Gunnari Sv. Gunnarssyni, Mannvit, Guðjóni Jónssyni, VSÓ, Kristni Guðjónssyni, Hnit, og Ólöfu Helgadóttur, Lotu.
Tryggvi Jónsson, Mannvit, sem hefur sinnt formennsku í félaginu síðastliðin 6 ár lét af embætti formanns. Voru honum færðar bestu þakkir fyrir ötullt starf í þágu félagsins. Að loknum hefðbundnum aðalfundarstörfum hélt Eyjólfur Árni Rafnsson, formaður Samtaka atvinnulífsins og formaður starfshóps um fjármögnun samgöngukerfisins, erindi um skýrslu starfshópsins um fjármögnun flýtiframkvæmda sem kom út 5. apríl síðastliðinn.
