Nýr formaður Félags húsgagna- og innréttingaframleiðenda
Jónas Kristinn Árnason hjá Brúnás/Miðás var kosinn formaður Félags húsgagna- og innréttingaframleiðenda, FHIF, á aukaaðalfundi félagsins sem haldinn var í Húsi atvinnulífsins síðastliðinn fimmtudag. Aðrir í stjórn eru Guðmundur Ásgeirsson, Halldór Gíslason, Eyjólfur Eyjólfsson, Sigurður Ólafsson, Gylfi Guðmundsson, Jóhann Hauksson og Tómas Þorbjörnsson.
Stjórn félagsins bíða mikilvæg verkefni, meðal annars útboð rammasamnings um húsgögn. Á fundinum var sjálfbærnistefna félagsins samþykkt en hún færir félagsmönnum FHIF góð verkfæri við rekstur fyrirtækja sinna. Hin nýja stefna verður kynnt á nýju ári.
Á myndinni hér fyrir ofan er nýr formaður, Jónas Kristinn Árnason, og Elísa Arnarsdóttir, viðskiptastjóri á mannvirkjasviði SI.
Hafþór Ægir Sigurjónsson frá KPMG kynnti sjálfbærnistefnu félagsins.