Nýr formaður SAMARKS
Góð mæting var á rafrænan aukaaðalfund Samtaka arkitektastofa, SAMARK, sem haldinn var miðvikudaginn 15. desember sl. Tilefni fundarins var kosning nýs formanns og meðstjórnanda fram til næsta aðalfundar 2022 auk þess sem farið var yfir nýlega kjarakjönnun á vegum SAMARK.
Þorvarður Lárus Björgvinsson, framkvæmdastjóri Arkís, er nýr formaður SAMARK og Halldór Eiríksson, eigandi T.ark, var kosinn meðstjórnandi. Aðrir í stjórn sem kosin voru til tveggja ára á aðalfundi eru Aðalheiður Atladóttir hjá a2f, Aðalheiður E. Kristjánsdóttir hjá Landmótun og Freyr Frostason hjá THG arkitektum.