Nýr yfirlögfræðingur Samtaka iðnaðarins
Lilja Björk Guðmundsdóttir hefur verið ráðin yfirlögfræðingur Samtaka iðnaðarins. Lilja Björk hefur frá árinu 2021 starfað hjá Samtökum iðnaðarins sem viðskiptastjóri á iðnaðar- og hugverkasviði þar sem hún hefur meðal annars haft umsjón með fjölmörgum starfsgreinahópum innan samtakanna.
Lilja Björk er með BA og ML í lögfræði frá Háskólanum í Reykjavík og LL.M. í evrópskum stjórnskipunarrétti frá Háskólanum í Granada auk þess sem hún hefur málflutningsréttindi fyrir Héraðsdómi. Áður en hún kom til starfa hjá Samtökum iðnaðarins starfaði Lilja Björk hjá Rauða krossinum sem lögfræðingur og teymisstjóri í málefnum umsækjenda um alþjóðlega vernd.
Vísir, 18. janúar 2024.
mbl.is, 18. janúar 2024.
Viðskiptablaðið, 19. janúar 2024.