Nýsköpunarmót Álklasans
Nýsköpunarmót Álklasans verður haldið þriðjudaginn 19. mars kl. 14-17 í hátíðarsalnum í aðalbyggingu Háskóla Íslands. Að mótinu standa Háskóli Íslands, Háskólinn í Reykjavík, Samtök iðnaðarins, Nýsköpunarmiðstöð Íslands, Samál og Álklasinn. Nýsköpunarmótið er opið öllum og þar verða erindi bæði frá fulltrúum iðnaðarins sem og háskóla- og rannsóknarsamfélagsins. Þá verða veitt hvatningarverðlaun Álklasans til nemenda á háskólastigi sem vinna að verkefnum tengdum áliðnaðinum. Fundarstjóri er Dagmar Stefánsdóttir, fjölmiðlafulltrúi Alcoa Fjarðaáls.
Hér er hægt að skrá sig.
Dagskrá
- Sigurður Magnús Garðarsson, forseti verkfræði- og náttúruvísindasviðs Háskóla Íslands
- Gísli Hjálmtýsson, sviðsforseti hjá Háskólanum í Reykjavík
- Torfi Þórhallsson, Nýsköpunarmiðstöð Íslands – Snjallvæðing í áliðnaði
- Guðmundur Ingi Einarsson, Alcoa Fjarðaál – Sjálfvirk þekjun skauta
- Kristján Leósson, DTE - Efnagreining áls í rauntíma
- Kaffihlé / Ísar íslenski álbíllinn til sýnis
- Einar Karl Friðriksson, Árnason Faktor - Hugverkavernd í áliðnaði
- Leo Blær Haraldsson, Eflu – Varmaendurvinnsla frá Fjarðaáli
- Breki Karlsson, HRV – Orka og kolefni, sparnaður sem um munar
- Sunna Wallevik, NMÍ, Gerosion – Nýting affallsefna
- Guðrún Sævarsdóttir, HR – Straumhönnun fyrir kísilver
- Hvatningarverðlaun Álklasans
Að dagskrá lokinni verður boðið upp á léttar veitingar og spjall.